धन माया के बारे म्हं किसे बिरले तै दिल डाट्या जा सै

धन माया के बारे म्हं किसे बिरले तै दिल डाट्या जा सै, जो तने दे दिया राज दान म्हं, मेरे तै के नाट्या जा सै॥ सधग्या वक्त संत आवण का, यो मौका दिल समझावण का, मेरे बालम मनुष्य शरीर पावण का, के सबतै सांटा सांट्या जा सै। हुया करै जब धरम म्हं हरजा, उसने बिसरावै सब परजा, जो कोए कहे वचन तै फिरज्या, आप थूक कै चाट्या जा सै॥ तेरे तै कहूं साचा वचन टेर कै, पिया जी ना करुं बात फेर कै, तेरा धरम का कुंआ रेत गेर कै, ब्याही तै के आंट्या जा सै। पार होंगे बिपता झेल्ले तै, म्हं ढकूं प्रेम सेले तै, कह बाजे राम सुगरे चेले तै, के नाम छाप का काट्या जा सै॥